काठमाडौँ, वैशाख २८ गते । प्रमुख प्रतिपक्षी नेपाली काङ्ग्रेसका नेता अर्जुननरसिंह केसीले सरकारको नीति तथा कार्यक्रमले परिवर्ननको दिशा पकड्ने सङ्केत नदेखिएको बताउनुभएको छ । सङ्घीय संसद्को संयुक्त बैठकमा आज प्रस्तुत आगामी आर्थिक वर्षको नीति तथा कार्यक्रमका सम्बन्धमा सञ्चारकर्मीलाई प्रतिक्रिया दिँदै उहाँले स्रोतसाधनको सीमितताका बीच जनताको आकाङ्क्षा सम्बोधन गर्न कस्तो बजेट आउँछ भनी हेर्नुपर्ने बताउनुभयो ।
यसैगरी, विपक्षी नेपाली कम्युनिष्ट पार्टीका सचेतक युवराज दुलालले विगतकै निरन्तरतामा नीति कार्यक्रम प्रस्तुत भएको बताउनुभयो । उहाँले नयाँ सरकार बनेको अवस्थामा नयाँ नीति र कार्यक्रम आउँछ भन्ने अपेक्षाअनुसार नभएको धारणा राख्नुभयो ।
