वाशिङ्टन, असार २८ गते । अमेरिकी राष्ट्रपति डोनाल्ड ट्रम्पका प्रमुख सहयोगी तथा प्रमुख अमेरिकी सिनेटर लिन्डसे ग्राहमको निधन भएको छ । ‘छोटो समय अचानक बिरामी’ परेपछि राष्ट्रपति ट्रम्पका ७१ वर्षीय प्रमुख सहयोगी लिन्डसे ग्राहमको निधन भएको उनको कार्यालयले जानकारी दिएको हो ।
विदेश नीतिका कामका लागि परिचित ग्राहम इरानविरुद्धको युद्धका दृढ समर्थक मानिनुहुन्थ्यो र पछिल्ला वर्षहरूमा राष्ट्रपति ट्रम्प तथा अघिल्ला राष्ट्रपति वाइडेन प्रशासनलाई रूसको आक्रमणविरुद्ध किएभ (युक्रेन) लाई समर्थन गर्न आग्रह गर्नुभएको थियो ।
साउथ क्यारोलिनाका रिपब्लिकन सिनेटर ग्राहमको कार्यालयले सामाजिक सञ्जाल एक्समा उहाँको शनिबार साँझ निधन भएको पुष्टि गरेको छ। ग्राहमले बिहीबार मात्र ७१ वर्ष पूरा गर्नुभएको थियो । उहाँको ‘अचानक तर छोटो समय बिरामी’ भई निधन भएको बताइएको छ ।
“यो दुःखको कठिन समयमा दिवङ्गत सिनेटर ग्राहमको परिवारले प्रार्थनाको आह्वान गर्दै गोपनीयताका लागि अनुरोध गर्दछ,” विज्ञप्तिमा भनिएको छ।
एनबीसी न्यूजका अनुसार शनिबार राति ग्राहमको क्यापिटल हिलस्थित निवासबाट ‘हृदयाघात’ को उपचारका लागि फोन आएपछि इमर्जेन्सी सेवाहरू तुरून्त उहाँको निवासमा पुगेका थिए ।
राष्ट्रपति ट्रम्पबाट श्रद्धाञ्जलि व्यक्त
राष्ट्रपति ट्रम्पले आइतबार प्रभावशाली सिनेटरप्रति श्रद्धाञ्जली दिँदै सामाजिक सञ्जाल ट्रुथ सोसलमा लेख्नुभएको छ, “सिनेटर लिन्डसे ग्राहम, मैले चिनेका सबैभन्दा महान व्यक्तिहरू र सिनेटरमध्ये एक हुनुहुन्थ्यो, उहाँ अब रहनुभएन १”
ट्रुथ सोसलमा अगाडि लेखिएको छ, “उहाँ सधैँ कर्तव्यनिष्ठासहित देश र देशबासीको हितका लागि काम गरिरहनुहुन्थ्यो । उहाँ एक सच्चा अमेरिकी देशभक्त हुनुहुन्थ्यो । लिन्डसेको निधनले अमेरिकी राजनीति र कुटनीतिका क्षेत्रमा ठूलो अभाव महसुस हुनेछ ।”
प्रमुख अमेरिकी सिनेटर लिन्डसे ग्राहमको राजनीतिक यात्रा
सन् २०१६ मा ग्राहमले राष्ट्रपतिको उम्मेदवारी दिनुभएको थियो तर प्रतिस्पर्धामा सफलता प्राप्त हुन सकेको थिएन । त्यतिबेला उहाँले ट्रम्पलाई अमेरिकामा रहेका विदेशी मुलका समुदाय र अमेरिकामा बसोबास गर्ने नागरिकप्रति जातीय द्वेष फैलाउने धार्मिक कट्टरपन्थी नेताको संज्ञा दिनुभएको थियो ।
सन् २०२१ को जनवरी ६ को क्यापिटल हमलापछि सम्बन्ध तनावपूर्ण भएको थियो । तर पछि ट्रम्पको दोस्रो कार्यकालमा उनीहरूको सम्बन्ध सुध्रियो र ग्राहमले ट्रम्पको पुनः निर्वाचनलाई समर्थन गर्नुभयो ।
साउथ क्यारोलिनाको मध्य शहरमा हुर्केका ग्राहम सन् १९९४ मा पहिलोपटक अमेरिकी प्रतिनिधिसभा (सिनेट) मा निर्वाचित हुनुभएका प्रमुख अमेरिकी सिनेटर लिन्डसे ग्राहम सन् २००२ सन् २००८, सन् २०१४ र सन् २०२० मा पुनः सिनेटर बन्नुभएको थियो । उहाँ सिनेटको बजेट समितिको अध्यक्षसमेत बन्नुभएको थियो ।
उहाँका आमाबाबुले रेस्टुरेन्ट चलाउँथे। उहाँ आफ्नो परिवारमा कलेज पढ्ने पहिलो व्यक्ति हुनुहुन्थ्यो भने पछि सेनामा वकिलको रूपमा काम गर्दै एयर फोर्स कर्नेलसम्म बन्नुभएको थियो ।
प्रमुख अमेरिकी सिनेटर लिन्डसे ग्राहमप्रति टिम्पणी गर्दै इजराली प्रधानमन्त्री बेन्जामिन नेतन्याहुले ग्राहम इजरायलका बलिया समर्थक र इरानविरुद्ध कडा नीतिको पक्षधर भएको बताउनु भएको छ । प्रधानमन्त्री नेतन्याहुले “ग्राहम इजरायल र मेरो एक महान मित्र हुनुहुन्थ्यो” भन्दै, “इजरायल र अमेरिकाको सुरक्षा एकअर्कासँग अविभाज्य छ भन्ने बुझ्नुभएको थियो र आफ्नो जीवन अमेरिकाको रक्षा, गठबन्धन बलियो बनाउन र स्वतन्त्र संसारको लागि खडा हुन समर्पित गर्नुभयो।” भनि इजरायली प्रधानमन्त्री नेतन्याहुको भनाइलाई उधृत गर्दै अन्तराष्ट्रिय समाजार संस्थाहरुले समेत उल्लेख गरेका छन् ।
यसैगरी प्रमुख अमेरिकी सिनेटर लिन्डसे ग्राहमको निधन पछि युक्रेनका राष्ट्रपति भोलोदिमिर जेलेन्स्कीले ग्राहमसँग गत शुक्रबार मात्र किएभमा भेट भएको उल्लेख गर्दै उहाँको निधनप्रति दुःख व्यक्त गर्नुभयो । “रूसको युक्रेनमा गरेको पूर्ण आक्रमणका क्रममा ग्राहमले १० पटक युक्रेन भ्रमण गर्नुभएको थियो । अमेरिका र विश्वले एक दृढ कुटनीतिज्ञ र एक असल अमेरिकी राजनेता गुमाएको छ।”
युरोपेली आयोगका अध्यक्ष उर्सुला भोन डेर लेयेन पनि प्रमुख अमेरिकी सिनेटर लिन्डसे ग्राहमलाई स्मरण गर्दै रुससँगको युद्धमा युक्रेनको समर्थन गर्दै लडाइँको प्रशंसा समेत गर्नुभएको र ग्राहमलाई एक ‘दृढ र निडर नेता’को संज्ञा दिनुभएको छ।
दक्षिण क्यारोलिना गभर्नर हेनरी म्याकमास्टर ले ग्राहमलाई ‘अप्रतिस्थापनीय’ राजनीतिक नेता बताउनुभएको छ। “साउथ क्यारोलिना र अमेरिकाका लागि उहाँ विरोधीहरूबीच सबैभन्दा उग्र लडाकु र मित्रहका लागि वफादार तथा अटल मित्र हुनुहुन्थ्यो,” उहाँले एक्समा लेख्नुभएको छ ।
