सहकारी ठगी प्रकरणका आरोपी रास्वपाका सभापति रवि लामिछाने ।
काठमाडौँ, चैत २३ गते । पूर्व उपप्रधानमन्त्री एवम् राष्ट्रिय स्वतन्त्र पार्टी (रास्वपा) का सभापति रवि लामिछानेलाई सहकारी प्रकरणमा भैरहवा लाने तयारी गरिएको छ । शुक्रबार राति पक्राउमा पर्नुभएका सभापति लामिछानेलाई प्रहरीले विमानमार्फत भैरहवा लैजान लागेको हो ।
रास्वपा नेता लामिछानेलाई भैरहवा लानेक्रममा काठमाडौँस्थित त्रिभुवन विमानस्थल लगिएको छ । भैरहवाको पहिलो उडानबाट लामिछानेलाई त्यसतर्फ लाने तयारी छ ।
संगठित रुपमा सहकारी ठगी गरेको आरोप खेपिरहेका रास्वपा सभापति रवि लामिछानेलाई तुलसीपुर उच्च अदालतको बुटवल इजलासले शुक्रबार थुनामा पठाउन आदेश दिएको थियो । त्यसपछि हिजै राति प्रहरीले सभापति लामिछानेलाई निवासबाटै गिरफ्तार गरिएको थियो ।
बुटवलको सुप्रिम सहकारी प्रकरणमा जिल्ला अदालत रुपन्देहीले उनलाई एक करोड धरौटी माग गरेको थियो । गत पुष २५ गते धरौटी राखेर रिहा हुनुभएका लामिछानेलाई धरौटीमा छाड्ने जिल्ला अदालतको आदेशलाई बदर गर्दै उच्च अदालतले थुनामा पठाउने आदेश गरे लगतै उहाँलाई पक्राउ गरिएको हो ।
