काठमाडौँ, २२ गते । सङ्घीय संसद्अन्तर्गत विभिन्न तीनवटा संसदीय समितिको बैठक आज बस्दै छ । आज अर्थ समिति, राज्य व्यवस्था तथा सुशासन समिति र विधायन व्यवस्थापन समितिको बैठक आज बस्न लागेको हो ।
सङ्घीय संसद्अन्तर्गत राज्य व्यवस्था तथा सुशासन समितिको बैठक आज शुक्रबार बिहान ११ बजे बस्दैछ । सो बैठकमा यही चैत १५ गते काठमाडौँको तीनकुनेमा भएको घटनाका सम्बन्धमा गृहमन्त्री रमेश लेखकसँग छलफल गर्ने कार्यसूची रहेको छ ।
यसैगरी, अर्थ समितिको बैठक आज बिहान ११ बजे बस्दै छ । उक्त बैठकमा आगामी आर्थिक वर्षको बजेट सम्बन्धमा अर्थ मन्त्रालयसँग छलफल हुने कार्यसूची रहेको छ ।
यसैगरी, विधायन व्यवस्थापन समितिको बैठक आज दिउँसो १ बजे बस्ने भएको छ । बैठकमा पानीजहाज (सञ्चालन तथा व्यवस्थापन) विधेयक, २०८१ मा दफावार छलफल हुने कार्यसूची रहेको छ ।
