लमजुङ, फागुन २६ गते । लमजुङको सुन्दरबजार नगरपालिका–७, पाउँदीमा प्रहरी चौकीको भवन निर्माण गरिएको छ । उक्त भवनको आज एक कार्यक्रमबीच प्रहरी नायव महानिरीक्षक फणिन्द्र बरालले उद्घाटन गर्नुभयो ।
प्रहरी नायव महानिरीक्षक बरालले प्रहरीका लागि स्तरीय भवन आवश्यक भएको बताउनुभयो । प्रहरीको सेवा प्रवाहलाई थप प्रभावकारी बनाउन पूर्वाधार आवश्यक भएको उहाँको भनाइ थियो । नयाँ भवनबाट प्रहरीलाई कामकाज गर्न सहज हुनुका साथै नागरिक र प्रहरीबीचको सम्बन्धलाई अझ मजबुत बनाउन योगदान पुग्ने उहाँले बताउनुभयो । “सेवा प्रवाहमा सुधार गर्न पूर्वाधार विकासमा विशेष ध्यान दिएका छौँ”, प्रहरी नायव महानिरीक्षक बरालले भन्नुभयो ।
कूल रु दुई करोड २८ लाख ४३ हजारको लागतमा सो भवन निर्माण गरिएको हो । प्रहरी चौकी भवन तीन रोपनी एक आना तीन दाम क्षेत्रफलमा फैलिएको छ । कार्यक्रममा प्रमुख जिल्ला अधिकारी बुद्धबहादुर गुरुङ, सुन्दरबजार नगरपालिका–७ का वडाध्यक्ष जयराम रेग्मी, सुन्दरबजार नगरपालिकाका पूर्व नगरप्रमुख जनकराज मिश्रलगायतले आ–आफ्नो धारणा राख्नुभएको थियो ।
सो अवसरमा प्रहरी नायव महानिरीक्षक बरालले भवन निर्माणमा योगदान पु¥याउने विभिन्न व्यक्तिलाई प्रशंशापत्र प्रदान गर्नुभयो ।
