काठमाडौँ, माघ १० गते । राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक आज बस्दैछ । प्रचार विभाग प्रमुख मोहन कुमार श्रेष्ठका अनुसार बैठक आज दिउँसो १ बजे पार्टी केन्द्रीय कार्यालय धुम्बाराहीमा बस्ने भएको हो ।
भोलिदेखि सुरु हुने केन्द्रीय समिति बैठकका एजेण्डा तय गर्न आज कार्यसम्पादन समितिको बैठक बस्न लागेको हो । केन्द्रीय कार्यसमितिको बैठक भोलिदेखि (माघ ११ र १२ गते )काठमाडौँमा बस्दै छ । बैठक धुम्बाराहीस्थित एसआर बैंक्वेटमा बिहान ११ः०० बजेदेखि सुरु हुनेछ ।
बैठकमा देशको समसामयिक राजनीतिक परिस्थितिको समीक्षा, सङ्गठन सुदृढीकरण, पार्टीको वडादेखि जिल्ला तहसम्मको अधिवेशनको तयारी र समीक्षा लगायत विविध एजेन्डा र कार्ययोजनामाथि छलफल हुने बताइएको छ ।
