काठमाडौँ, मङ्सिर ३० गते । अन्तर्राष्ट्रिय बजारमा सुनको मूल्यमा गिरावट भएसँगै त्यसको प्रभाव स्थानीय बजारमा पनि परेको छ । जसअनुसार आज सुन र चाँदीको मूल्यमा सामान्य गिरावट भएको हो ।
गत शुक्रबारको तुलानामा आज सुनको मूल्य प्रतितोला एक हजार दुई सय रुपैयाँले घटेको हो । शुक्रबार प्रतितोला एक लाख ५३ हजारमा कारोबार भएको सुन आज बजार खुलेसँगै एक लाख ५० हजार आठ सयमा खरिदबिक्री भएको नेपाल सुनचाँदी व्यवसायी महासङ्घले जनाएको छ ।
यसैगरी आज चाँदीको मूल्य प्रतितोला २० रुपैयाँ घटेको छ । शुक्रबार प्रतितोला एक हजार आठ सय ६० रुपैयाँमा कारोबार भएको चाँदी आज प्रतितोला एक हजार आठ सय ४० रुपैयाँमा किनबेच भइरहेको छ ।
