तस्वीरमा नलगाडा नगरपालिकाको उपप्रमुखमा देवका लामिछाने
काठमाडौँ, १७ गते । हिजो आइतबार सम्पन्न स्थानीय तह उपनिर्वाचनअन्तर्गत जाजरकोटाको नलगाडा नगरपालिकाको उपप्रमुखमा नेपाल कम्युनिस्ट पार्टी माओवादी केन्द्रका उम्मेदवार देवका लामिछाने निर्वाचित हुनुभएको छ । लामिछानेले कुल चार हजार २ सय ७२ मत ल्याएर निर्वाचित हुनुभएको हो । उहाँका निकटम प्रतिस्पर्धी नेपाली काङ्ग्रेसकी इन्द्रा चन्द सिंहले तीन हजार एक सय ४७ मत प्राप्त गर्नुभएको छ ।
यसैगरी मोरङको ग्रामनाथ गाउँपालिको अध्यक्षमा पनि नेकपा माओवादी केन्द्रका उम्मेदवार निर्वाचित गर्नुभएको छ । माओवादी केन्द्रका उम्मेदवार नमोनारायण माझीले ६ हजार ९ सय ६९ मत ल्याएर निर्वाचित हुनुभएको हो । उहाँका प्रतिस्पर्धी नेपाली काङ्ग्रेसका बलराम सरदार थारुले ५ हजार ३ सय ३३ मत प्राप्त गर्नुभएको छ ।
ग्रामनाथ गाउँपालिको निर्वाचित अध्यक्ष नमोनारायण माझी
सप्तरीको डाक्नेश्वरी–४ को वडाध्यक्ष पदमा निर्वाचित जनता समाजवादी पार्टी नेपालका उम्मेदवार देवेन्द्रप्रसाद यादव निर्वाचित हुनुभएको छ ।
