कीर्तिपुर नगरपालिका–१को वडाध्यक्ष पदमा निर्वाचित काङ्ग्रेसका इच्छाकुमार महर्जन
काठमाडौँ, मङ्सिर १७ गते । हिजो आइतबार सम्पन्न भएको स्थानीय तहको उपनिर्वाचनको मतगणको परिणाम आउनेक्रम जारी छ । हिजो भएको निर्वाचनमा काठमाडौँको कीर्तिपुर नगरपालिकाको वडा नम्बर १को वडाध्यक्षमा नेपाली काङ्ग्रेसका उम्मेदवार र महोत्तरीको रामगोपालपुरको वडा नम्बर २ मा नेकपा एमालेका उम्मेदवार निर्वाचित हुनुभएको छ ।
कीर्तिपुर नगरपालिका–१को वडाध्यक्ष पदमा नेपाली काङ्ग्रेसका इच्छाकुमार महर्जनले पाँच सय ६२ मत प्राप्त गरेर विजयी हुनुभएको हो । उहाँका निकटतम प्रतिस्पर्धी नेकपा (एमाले)का हर्ष महर्जनले चार सय ९८ गर्नुभएको निर्वाचन कार्यालयले जनाएको छ ।
यसैगरी महोत्तरीस्थित रामगोपालपुर नगरपालिकाको वडा नम्बर २ को वडाध्यक्ष पदमा नेकपा (एमाले)का सकिबुल खाँले छ सय ३१ मत प्राप्त गरेर निर्वाचित हुनुभएको हो । एमालेका उम्मेदवार खाँका निकटतम् प्रतिष्पर्धी नेकपा (माओवादी केन्द्र)की आइतीकुमारी यादवले पाँच सय ३४ मत प्राप्त गर्नुभएको मुख्य निर्वाचन अधिकृत राजकुमार कोइरालाले जानकारी दिनुभयो ।
