काठमाडौँ, मङ्सिर ४ गते । अहिले साँझ ६ बजेका लागि बोलाइएको मन्त्रिपरिषद् बैठक स्थगित भएको छ । शीर्ष नेताहरुबीचको छलफल अबेर सुरु भएका कारण ६ बजे बस्ने भनिएको मन्त्रिपरिषद् बैठक स्थगित गरिएको हो ।
प्रधानमन्त्री केपी शर्मा ओलीसहित नेकपा एमाले र नेपाली काङ्ग्रेसका शीर्ष नेताहरु छलफलमा जुटेकाले मन्त्रिपरिषद् बैठक स्थगित भएको हो । तर बैठक स्थगित भएकोबारे कुनै कारण भने खुलाइएको छैन ।
मन्त्रिपरिषद् बैठक स्थगित गरेर अहिले बालुवाटारमा सत्तारुढ दल नेकपा एमाले र नेपाली काङ्ग्रेसका शीर्ष नेताहरूबिच छलफल जारी रहेको छ । प्रधानमन्त्री निवास बालुवाटारमा जारी बैठकमा प्रधानमन्त्री केपी शर्मा ओलीसहित काङ्ग्रेस सभापति शेरबहादुर देउवा, महामन्त्री गगन थापा, अर्थमन्त्री विष्णु पौडेल, परराष्ट्रमन्त्री आरजु राणा देउवा, प्रधानमन्त्रीका मुख्य सल्लाहकारलगायत सहभागी हुनुहुन्छ ।
