फाइल तस्वीर
धादिङ, मङ्सिर ४ गते । पृथ्वीराजमार्ग अन्तर्गत धादिङको बेनीघाट रोराङ गाउँपालिका– १० स्थित खयरघारीबाट एउटा मालवाहक ट्रक त्रिशूली नदीमा खसेको छ । नवलपरासीबाट चामल बोकेर काठमाडौंतर्फ जाँदै गरेको लु २ ख २५० नम्बरको ट्रक आज बिहान करिब साढे ५ बजे हुग्दीखोला नजिकैबाट त्रिशूली नदीमा खसेको हो ।
जिल्ला प्रहरी कार्यालय धादिङका अनुसार दुर्घटनास्थलबाट तीनजनाको उद्धार गरिएको छ । उद्धार गरिएकामा ट्रक चालक नवलपरासीका आशिष महतो, सहचालक राजु थापामगर र ट्रकका धनी सुरेश गुरुङ रहेका छन् । घाइते अवस्थामा उद्धार गरिएका उनीरुहरुको मझिमटारस्थित बिहानी फार्मेसीमा सामान्य उपचारपछि काठमाडौं पठाइएको प्रहरीले जनाएको छ ।
