फाइल तस्वीर
काठमाडौँ, कात्तिक २४ गते । नेपाल कम्युनिस्ट पार्टी एमालेको सचिवालय बैठक आज बस्दैछ । एमाले प्रचार विभाग प्रमुख राजेन्द्र गौतमका अनुसार बैठक ललितपुरको च्यासलस्थित पार्टी केन्द्रीय कार्यालयमा आज शनिबार बिहान ११ बजे बस्न लागेको हो ।
बैठकमा आगामी मङ्सिर १६ गते हुने स्थानीय तहको उपनिर्वाचन, समसामयिक राजनीति, सरकार सञ्चालनका लागि गठित दुई दलीय समन्वय संयन्त्रलगायत विषयमा छलफल हुने बताइएको छ ।
पार्टी अध्यक्ष एवं प्रधानमन्त्री केपी शर्मा ओलीको अध्यक्षतामा हुने उक्त बैठकमा सहभागी हुन सचिवालय सदस्यहरू ईश्वर पोखरेल, विष्णुप्रसाद पौडेल, सुरेन्द्रप्रसाद पाण्डे, अष्टलक्ष्मी शाक्य, योगेश भट्टराई, विष्णुप्रसाद रिमाल, रामबहादुर थापा, युवराज ज्ञवाली, गुरुप्रसाद बराल, शङ्कर पोखरेल, प्रदीप ज्ञवाली, पृथ्वीसुब्बा गुरुङ, लेखराज भट्ट, गोकर्ण विष्ट, छविलाल विश्वकर्मा, रघुवीर महासेठ र पद्माकुमारी अर्याललाई पत्राचार गरिएको प्रचार विभाग प्रमुख गौतमले जानकारी दिनुभयो ।
