फाइल तस्वीर: प्रधानमन्त्री केपी शर्मा ओली
काठमाडौँ, कात्तिक २२ गते । प्रधानमन्त्री केपी शर्मा ओलीले संयुक्त राज्य अमेरिकाका नव निर्वाचित राष्ट्रपति डोनाल्ड ट्रम्पलाई बधाई दिनुभएको छ । हिजो भएको निर्वाचनमा ट्रम्प अमेरिकाको ४७ औँ राष्ट्रपतिमा निर्वाचित भएकोमा प्रधानमन्त्री ओलीले बधाई दिनुभएको हो ।
प्रधानमन्त्री ओलीले बुधबार राति सामाजिक सञ्जाल एक्समार्फत् अमेरिकाको ४७ औँ राष्ट्रपतिमा निर्वाचित भएकामा राष्ट्रपति ट्रम्पलाई बधाई दिनुहुँदै कार्यकालको पूर्ण सफलताको कामना गर्नुभएको छ ।
अमेरिकाका नव निर्वाचित राष्ट्रपति डोनाल्ड ट्रम्प
प्रधानमन्त्री ओलीले अमेरिकी राष्ट्रपति ट्रमको कार्यकालमा नेपाल र अमेरिकाबीचको सम्बन्ध थप प्रगाढ बन्नुका साथै पारस्परिक समृद्धि र सहकार्यमा टेवा पुग्ने आशा व्यक्त गर्नुभएको छ ।
