बागलुङ, असोज २० गते । जैमिनी नगरपालिकाले आफ्नो स्थापनाको आठ वर्षपछि वडा नं ५ का लागि विनामारेमा सुविधासम्पन्न कार्यालय भवन निर्माण गरेको छ ।
जैमिनी नगरपालिका–५ का वडाध्यक्ष ठगबहादुर थापाका अनुसार ७८ लाख १० हजारको लागतमा उक्त भवन निर्माण भएको हो । भवन निर्माणका लागि गण्डकी प्रदेश सरकारले ६० लाख र जैमिनी नगरपालिकाले २० लाख गरी खर्च गरेका थिए ।
उक्त भवन कार्यारम्भ गरेको नौ महिनामा पूरा भएको हो । भवनको उद्घाटन गत बिहीबार गण्डकी प्रदेश नीति तथा योजना आयोगका उपाध्यक्ष कृष्णचन्द्र देवकोटाले गर्नुभएको हो । सोही दिनदेखि नयाँ भवनबाट वडा कार्यालयले सेवा प्रवाह गर्न थालेको छ ।
