फाइल तस्वीर
तुलसीपुर, भदौ २९ गते । दाङ जिल्लाको टरिगाउँ विमानस्थलमा अब मङ्गलबार पनि हवाई उडान हुने भएको छ । यसअघि प्रत्येक शुक्रबार मात्रै उडान हुँदै आएकामा नेपाल वायुसेवा निगमले आगामी सातादेखि मङ्गलबार पनि उडान गर्ने भएको हो ।


नेपाल वायुसेवा निगमका दाङ प्रमुख बलबहादुर सुनारका अनुसार अब यस विमानस्थलबाट शुक्रबार दिउँसो १२ बजे र मङ्गलबार दिउँसो २ बजे उडान भर्नेछ । दसैँ तथा तिहारलगायतका चाडपर्वलाई लक्षित गरी निगमले उडान तालिका बनाएको छ ।