गृहमन्त्री रमेश लेखक र नेपालका लागि विश्व बैंकका राष्ट्रिय निर्देशक डेभिड सिस्लेन
काठमाडौँ, भदौ २१ गते । गृहमन्त्री रमेश लेखक र नेपालका लागि विश्व बैंकका राष्ट्रिय निर्देशक डेभिड सिस्लेनबीच भेटवार्ता भएको छ । राष्ट्रिय निर्देशक डेभिड सिस्लेनसहितका पदाधिकारीले आज गृहमन्त्री लेखकसँग आज शुक्रबार सिंहदरबारस्थित गृहमन्त्रालयमा भेटवार्ता गर्नुभएको हो ।
गृहमन्त्री लेखकसँगको भेटमा विश्व बैंकका राष्ट्रिय निर्देशक डेभिडले नेपालका विभिन्न परियोजनामा गरेको लगानीबारे छलफल गर्नुभएको गृहमन्त्रीको सचिवालयले जनाएको छ ।
सो अवसरमा गृहमन्त्री लेखकले विसं २०७२ को भूकम्पपछिको पुनःनिर्माणमा विश्व बैंकको ऋण तथा प्राविधिक सहयोगले पुनःनिर्माणमा सहयोग पुगेको बताउनुभएको थियो । विश्व बैंकले नेपाललाई ऋण दिँदा पूरा गर्नुपर्ने विभिन्न कार्यमध्ये पूर्वकार्य गर्नु बाँकी रहेको विषयमा सिस्लेनले चासो राख्नु भएको थियो ।
“ऋृणको अन्तिम किस्ता लिनुपूर्व गर्नुपर्ने पूर्वकार्य बाँकी छ । विपद् संवेदनशील सामाजिक सुरक्षा तथा अनुदान वितरण मापदण्ड पास गरिसकेपछि ऋणको अन्तिम किस्ता दिने गरिन्छ । विपद् व्यवस्थापनका क्षेत्रमा नेपाललाई चाहिने वित्तीय सहयोग गर्न तयार छौँ”, उहाँले भन्नुभयो ।
गृहमन्त्री लेखकले आफ्नोतर्फबाट गर्नुपर्ने काममा कुनै ढिलाइ नहुने प्रतिबद्धता व्यक्त गर्दै विश्व बैंकले गर्दै आएको सहयोगका लागि धन्यवाद दिनुभएको थियो ।
“जलवायु परिवर्तन हामीले सिर्जना गरेको होइन । त्यसबाट भएको क्षति, नोक्सानी, पुनःनिर्माणका लागि हामीले ऋृण मात्र बोकेर कसरी विपद् व्यवस्थान गर्न सक्छौँ ? त्यसैले अनुदानका परियोजनाहरु बढाउनु प¥यो”, गृहमन्त्री लेखकले विश्व बैंकका राष्ट्रिय निर्देशक डेभिड सिस्लेनसँ आग्रह गर्नुभयो ।
