तस्वीरमा परराष्ट्रमन्त्री डा आरजु राणा देउवा ।
काठमाडौँ, साउन १ गते । भारतका बाह्य मामिलामन्त्री डा सुव्रमन्यम जयशङ्करले नेपाली काङ्ग्रेसकी नेत्री डा आरजु राणा देउवा नेपालको परराष्ट्रमन्त्रीमा नियुक्त हुनुभएकामा हार्दिक बधाई ज्ञापन गर्दै उहाँको कार्यकालको शुभकामना व्यक्त गर्नुभएको छ ।
परराष्ट्र मन्त्रालयका अनुसार भारतका बाह्य मामिलामन्त्रीले बहुआयामिक साझेदारीयुक्त नेपाल–भारत सम्बन्धलाई अझ सुमुधर तुल्याउनका खातिर मन्त्री राणासँग सहकार्य गर्न प्रतीक्षारत छु भन्नुभएको छ ।
यसैगरी, पाकिस्तानका विदेशमन्त्री इशाक दारले पनि आफ्ना नेपाली समकक्षी डा राणालाई आज एक शुभकामना सन्देश पठाउँदै आपसी हित र चासोका मामिलामा निकटसम्पर्कमा रहेर उहाँसँग काम गर्न आफू तयार रहेको बताउनुभएको यहाँस्थित पाकिस्तानी राजदूतावासले जनाएको छ ।
