फाइल तस्वीर: राष्ट्रियसभाको बैठक ।
काठमाडौँ — सङ्घीय संसद्अन्तर्गत राष्ट्रियसभाको बैठक आज बस्दै छ । बैठक आज शुक्रबार दिउँसो १:१५ बजे बस्ने भएको हो ।
संसद् सचिवालयका अनुसार आजको बैठकमा सरकारको आगामी वर्षको नीति तथा कार्यक्रममाथि छलफल गर्ने कार्यक्रम छ । प्रधानमन्त्री पुष्पकमल दाहाल ‘प्रचण्ड’ले सरकारको नीति तथा कार्यक्रममाथि छलफल गरियोस् भन्ने प्रस्ताव प्रस्तुत गर्नुहुने र त्यसपछि सांसदहरुद्वारा उठाइएका प्रश्नहरूको जवाफ दिने सम्भावित कार्यसूची छ ।
राष्ट्रियसभा अध्यक्ष नारायणप्रसाद दाहालले नीति तथा कार्यक्रममाथि पेस भएको संशोधन प्रस्ताव निर्णायार्थ प्रस्तुत गर्ने र पारितका लागि पनि प्रस्ताव गर्ने सम्भावित कार्यसूची रहेको संसद् सचिवालयले जनाएको छ ।
