फाइल तस्वीर
काठमाडौँ — जनता समाजवादी पार्टी (जसपा) नेपालको केन्द्रीय कार्यकारिणी समितिको बैठक सुरु भएको छ । पार्टी केन्द्रीय कार्यालय ललितपुरको बालकुमारीमा जारी रहेको सो बैठकमा समानुपातिक सांसद् चयनका विषयमा छलफल हुने बताइएको छ ।
सो पार्टीका केन्द्रीय प्रचार–प्रसार तथा प्रकाशन विभाग प्रमुख पूर्ण बस्नेतले समानुपातिक सांसद मञ्जु शर्मा अन्सारीको निधन भएपछि रिक्त रहेको स्थानमा जसपाले नयाँ सांसदको नाम सिफारिस गर्ने जानकारी दिनुभयो ।
साथै बैठकमा आगामी वैशाखमा हुन गइरहेको उपनिर्वाचनका र पार्टीको राष्ट्रिय महाधिवेशनलगायतका विषयमा पनि छलफल हुने बताइएको छ ।
