काठमाडौँ — नेपाली काङ्ग्रेसको केन्द्रीय कार्यसमिति बैठक बस्दैछ । बैठक आज बिहिबार दिउँसो १ बजे पार्टी केन्द्रीय कार्यालय सानेपामा बस्नेछ । पार्टी केन्द्रीय कार्यालयमा बस्ने बैठकमा समसामयिक राजनीति, पार्टीको आन्तरिक संरचनालगायत विषयमा छलफल हुनेछ । बैठकले महासमिति बैठकको एजेण्डा तय गर्नेछ । काङ्ग्रेसले आगामी मङ्सिर १३, १४ र १५ गतेका लागि महासमिति बैठक बोलाएको छ ।
बैठकको मुख्य एजेण्डा महासमिति बैठकको तयारी रहेको छ । यसका साथै बैठकमा पोलिसी ह्याकाथन, बीपी साहित्य महोत्सव, साउन २० देखि ३० सम्मको सङ्गठन सुदृढीकरणको समीक्षाका साथै समसामयिक विषयमा छलफल हुने बताइएको छ ।
केन्द्रीय कार्यसमितिको बैठकअघि आज बिहान पदाधिकारीको बैठक बस्दैछ ।
