फाइल तस्वीरः राप्रपाको केन्द्रीय कार्यसम्पादन समितिको बैठक ।
काठमाडौं — विपक्षी दल राष्ट्रिय प्रजातन्त्र पार्टी(राप्रपा)को केन्द्रीय कार्यसम्पादन समितिको बैठक बस्दैछ । काठमाडौंस्थित केन्द्रीय कार्यालय धुम्बाराहीमा आज दिउँसो ३ बजे कार्यसम्पादन समितिको बैठक बस्न लागेको हो ।

राप्रपाका प्रवक्ता मोहनकुमार श्रेष्ठका अनुसार आज बस्ने बैठकमा देशको समसामयिक राजनीतिक परिस्थितिको समीक्षा गर्दै पार्टीको सङ्गठन सुदृढ र चलायमान बनाउने, केन्द्रीय समिति बैठकको निर्णय कार्यान्वयन गर्ने विषयमा छलफल हुनेभएको छ ।