भौतिक पूर्वाधार राज्यमन्त्री नन्दा चपाईं, शपथ ग्रहणको तस्वीर
काठमाडौं — प्रधानमन्त्री पुष्पकमल दाहाल प्रचण्डले सत्तारुढ दल नेपाल कम्युनिस्ट पार्टी (एकीकृत समाजवादी) की नेतृ नन्दा चपाईंलाई भौतिक पूर्वाधार राज्यमन्त्रीमा नियुक्त गर्नुभएको छ । आईतबार राष्ट्रपति कार्यालयमा आयोजित शपथ ग्रहण समारोहमा प्रधानमन्त्री प्रचण्डले नवनियुक्त राज्यमन्त्री चपाईलाई पद तथा गोपनीयताको शपथ गराउनु भएको हो ।
एकीकृत समाजवादीको तर्फबाट राष्ट्रियसभा सदस्य बन्नुभएकी चपाईले पार्टीकै नेता प्रकाश ज्वालाले नेतृत्व गरेको मन्त्रालय राज्यमन्त्रीको जिम्मेवारी पाउनुभएको छ ।
प्रधानमन्त्री प्रचण्डले काङ्ग्रेसका आजै नेपाली काङ्ग्रेसका नेता एनपी साउदलाई परराष्ट्रमन्त्री नियुक्ति गरेसँग चपाईलाई पनि भौतिक पूर्वाधार राज्यमन्त्रीमा नियुक्त गर्नुभएको थियो । नवनियुक्त परराष्ट्रमन्त्री साउदले राष्ट्रपति रामचन्द्र पौडेलसँग र भौतिक पूर्वाधार राज्यमन्त्री चपाईले प्रधानमन्त्री प्रचण्डसँग आजै पद तथा गोपनीयताको शपथ लिनुभएको थियो ।
