साङ्केतिक तस्वीर
काठमाडौं – नेपालमा पछिल्लो २४ घण्टामा एक सय ३६ जनामा कोरोना भाइरसको सङ्क्रमण पुष्टि भएको छ । पछिल्लो २४ घण्टामा देशका विभिन्न स्वास्थ्य परीक्षण केन्द्रहरुमा एक सय ९७ जनाको पीसीआर विधिबाट र एक हजार दुई सय २७ जनाको एन्टिजेन विधिबाट कोरोनाको परीक्षण गर्दा उक्त सङ्ख्यामा सङ्क्रमण पुष्टिभएको हो ।
स्वास्थ्य तथा जनसङ्ख्या मन्त्रालयका अनुसार कोरोनाबाट पछिल्लो २४ घण्टामा कसैको पनि मृत्यु भएको छैन । हालसम्म कोरोनाबाट ज्यान गुमाउनेको सङ्ख्या १२ हजार २२ जना पुगेको छ ।
कोरोना भाइरसबाट सङ्क्रमित भएका मध्ये शुक्रबार ६८ जना सङ्क्रमणमुक्त भएका छन् । हाल देशभर चार सय एक जना कोरोना भाइरसका सक्रिय सङ्क्रमित रहेको मन्त्रालयले जनाएको छ ।
