चितवन —२ का उम्मेदवार रवि लामिछाने, फाइल तस्वीर
भरतपुर — आगामी वैशाख १० गते हुन लागेको उपनिर्वाचनमा चितवन क्षेत्र नम्बर २ का उम्मेदवार रवि लामिछानेको उम्मेदवारीविरुद्ध उजुरी परेको छ । राष्ट्रिय स्वतन्त्र पार्टी (रास्वपा) उम्मेदवार लामिछानेविरुद्ध आज एक व्यक्तिले इमेलमार्फत् उजुरी दर्ता गराएका हुन् ।
उजुरी दर्ता गराउँदा निर्वाचन अधिकृतको कार्यालयमा पुगेरै उजुरी दिए मात्रै त्यस उजुरीलाई आधार मान्ने प्रावधान छ । यसरी इमेलमार्फत् परेको उजुरीलाई मान्न नसकिन निर्वाचन जिल्ला निर्वाचन अधिकृत भिमसेन कार्कीले बताउनु भएको छ । निर्वाचन अधिकृतको कार्यालयका अनुसार सर्वोच्च अदालतमा रिट परेको व्यक्तिले उम्मेदवारी दिन नमिल्ने भन्दै उम्मेदवारी खारेजको माग राखेर इमेलमार्फत् लामिछानेविरुद्ध उजुरी परेको हो ।
‘सर्वोच्चले फैसला गरिरहेको कुरामा हामीले यहाँबाट केही गर्ने कुरा भएन । उजुरी गराउनेले मुख्य निर्वाचन अधिकृतको कार्यालयमा दर्ता गरेकोलाई मात्रै उजुरी मानेर हामीले छानविन गर्ने, स्पष्टीकरण सोध्ने हो । यसलाई उजुरी मान्न सकिदैंन’ – निर्वाचन अधिकृत कार्कीले भन्नुभयो ।
