प्रतिनिधिसभा बैठक, फाइल तस्वीर
काठमाडौं — सङ्घीय संसद्को प्रतिनिधिसभा बैठक आज बस्दै छ । बानेश्वरस्थित सङ्घीय संसद भवनमा आज आईतबार दिउँसो १ बजे बैठक बस्ने संसद सचिवालयले जनाएको हो ।
आजको बैठकमा प्रधानमन्त्री पुष्पकमल दाहाल प्रचण्डले ‘राष्ट्रिय समावेशी आयोगको चौथो वार्षिक प्रतिवेदन (आ.व. २०७८÷०७९)’ पेस गर्नुहुने सम्भावित कार्यसूची रहेको छ ।
यसैगरी प्रतिनिधिसभा नियमावली मस्यौदा प्रतिवेदन दफावार छलफल पछि पारित गर्ने अर्को कार्यसूची छ । प्रतिनिधिसभा नियमावली मस्यौदा समितिका सभापति चित्रबहादुर केसीले त्यसको प्रस्ताव गर्नुहुनेछ । त्यसमा परेका संशोधन प्रस्तावहरु निर्णयार्थ प्रस्तुत गर्ने र पुनः सभापति केसीले प्रतिवेदन पारित गरियोस् भनी प्रस्ताव पेस गर्ने कार्यसूची रहेको संसद सचिवालयका महासचिव डा. भरतराज गौतमद्वारा जारी गरिएको सम्भावित कार्यसूचीमा उल्लेख छ ।
