एकीकृत समाजवादीको सचिवायल बैठक, फाइल तस्वीर
काठमाडौं — सत्तासाझेदार दल नेपाल कम्युनिष्ट पार्टी (एकीकृत समाजवादी)को सचिवायलको आकस्मिक बैठक भरखरै सुरुभएको छ । पार्टी कार्यालय आलोकनगरमा बुधबार दिउँसो साढे १ बजे बस्नेगरी अध्यक्ष माधवकुमार नेपालले सचिवालयको बैठक बोलाउनुभएको हो ।
सरकारमा पठाउने मन्त्रीहरुको नाम तय गर्न अध्यक्ष नेपालले सचिवालयको बैठक बोलाएर निर्णय गर्न लाग्नुभएको हो । आजै बिहान प्रधानमन्त्री निवास बालुवाटारमा बसेको गठबन्धनको बैठकका बेला प्रधानमन्त्री प्रचण्डले आज बेलुकासम्म मन्त्रीहरुको नाम दिन आग्रह गर्नुभएको थियो । प्रधानमन्त्रीको आग्रह अनुसार पार्टीको तर्फबाट सरकारमा पठाउने मन्त्रीहरुको नाम चयन गर्न बोलाइएको सचिवालयका एक सदस्यले बताएका छन् ।। बैठकले एक जनामात्रै पठाउँदा कसलाई र अर्को चरणमा कसलाई पठाउने भन्नेबारे निर्णय गर्ने भएको छ ।
प्रधानमन्त्री प्रचण्डले सहमति जुटेका मन्त्रालयमा मन्त्री नियुक्त गर्न दलहरुलाई आग्रह गर्नुभएको स्रोतको भनाइ छ । सहमति जुटेका मन्त्रालयमा मन्त्री नियुक्त गरेर मन्त्रालयको भारी केही हल्का गर्ने प्रधानमन्त्रीलाई हुटहुटी छ । लामो समयसम्म सरकारमा मन्त्रीहरु नियुक्त हुन नसक्दा राजनीतिक दलहरु जनतामा गलत सन्देश जानसक्ने भन्दै प्रधानमन्त्रीले गठबन्धनका दलहरुलाई मन्त्रीहरुको नाम तुरुन्त दिन आग्रह गर्नुभएको छ ।
