सत्ता गठबन्धनको बैठक, फाइल तस्वीर
काठमाडौं — प्रधानमन्त्री निवास बालुवाटारमा आज बिहान बसेको सत्ता गठबन्धनको बैठक पुनः निष्कर्षविनै सकिएको छ । मन्त्रालय बाँडफाँडलाई मुख्य एजेण्डा बनाएर बसेको गठबन्धनको बैठकले मन्त्रालय बाँडफाँडलाई मिलाउन नसक्दा बैठक निष्कर्षविना स्थगित भएको हो ।
छलफललाई निरन्तर गठबन्धनको बैठक पुनः आजै दिउँसो ३ बजेबस्ने भएको छ । प्रतिनिधिसभाको बैठक आजै १ बजे बस्ने र प्रधानमन्त्री पुष्पकमल दाहाल प्रचण्डले अख्तियार दुरुपयोग अनुसन्धान आयोगको वार्षिक प्रतिवेदन पेश गर्नुहुने कार्यक्रम रहेको हुँदा पुनः ३ बजे गठबन्धनको बैठक बस्ने र छलफललाई निष्कर्षमा पुर्याउने बताइएको छ ।
नेपाली काङ्ग्रेस नेता रमेश लेखकका अनुसार भोलि बिहीबारसम्ममा मन्त्रिपरिषद् विस्तार हुने दावी गर्नुभएको छ । बिहानको छलफल सहमति नजिक पुगेको भन्दै तीन बजे बस्ने बैठकमा थप छलफल गरेर सहमतिमा पुग्ने नेता लेखकले जानकारी गराउनुभयो ।
