प्रतिनिधिसभा बैठक, फाइल तस्वीर
काठमाडौं — प्रतिनिधिसभाको बैठक आज बस्दै छ । काठमाडौंको नयाँबानेश्वरस्थित सङ्घीय संसद् भवनमा दिउँसो १ बजेका लागि बैठक बस्नेभएको हो ।
आज बुधबार बस्ने संसद्को बैठकमा प्रधानमन्त्री पुष्पकमल दाहाल ‘प्रचण्ड’ले अख्तियार दुरुपयोग अनुसन्धान आयोगको वार्षिक प्रतिवेदन २०७८–०७९ पेस गर्नुहुने सम्भावित कार्यसूची रहेको छ ।
त्यसैगरी सोही बैठकमा संस्कृति, पर्यटन तथा नागरिक उड्डयनमन्त्री सुदन किराँतीले अभिलेख संरक्षण (पहिलो संशोधन) विधेयक, २०७७ संसदमा प्रस्तुत गर्नुहुने सम्भावित कार्यसूची रहेको संसद् सचिवालयले जनाएको छ ।
