प्रधानमन्त्रीको सचिवालय, तस्वीर

काठमाडौं — प्रधानमन्त्री पुष्पकमल दाहाल प्रचण्ड र प्रतिनिधिसभका सभामुख देवराज घिमिरेबीच आज बिहान भेटवार्ता भएको छ । सङ्घीय संसद्को काम कारबाहीको विषयलाई प्रभावकारी बनाउने सन्दर्भमा प्रधानमन्त्री र सभामुखबीच छलफल भएको हो ।

प्रधानमन्त्री निवास बालुवाटारमा आज बिहान भएको छलफलमा केही महत्वपूर्ण विधेयक तत्काल अगाडि बढाउने विषयमा उहाँहरुबीच छलफल भएको हो । प्रधानमन्त्रीका सचिवालयका अनुसार सदनका काम कारबाहीलाई थप प्रभावकारी र जनमुखी बनाउने विषयमा प्रधानमन्त्री दाहाल र सभामुख घिमिरेबीच छलफल भएको हो ।

सङ्क्रमणकालीन न्यायसँग सम्बन्धित विधेयक अगाडि बढाउने तथा सङ्घीयता कार्यान्वयनसँग बाँकी रहेका अन्य विधेयक, ऐन कानुनको संशोधनलगायतका विषयमा पनि त्यस अवसरमा छलफल भएको बताइएको छ ।