टनकपुर — सीमावर्ती भारतीय बजार टनकपुरनजिक ठूलीगाडमा आज बसले किचेर ५ जनाको मृत्यु भएको छ भने ८ जना घाइते भएका छन् । पूर्णागिरि माता दर्शनका लागि जाँदै गरेकाहरुमध्ये ५ जनाको मृत्यु र ८ जना घाइते भएका हुन् ।


मृतक र घाइतेहरुको परिचय पनि खुल्न बाँकी रहेको प्रहरीले जनाएको छ । स्थानीय प्रहरीका अनुसार ठूलीगाडमा उक्त दुर्घटना भएको हो । प्राप्त जानकारीअनुसार बसले सडकमा भएका यात्रुहरुलाई किचेको थियो।

घाइतेहरुलाई उपचारका लागि टनकपुर अस्पताल ल्याइएको प्रहरीले बताएको छ ।