प्रतिकात्मक तस्वीर ।

वीरगञ्ज – जङ्गली हात्तीको आक्रमणबाट रौतहटमा एक महिलाको सोमबार मृत्यु भएको छ । जङ्गली हात्तीको आक्रमणबाट चन्द्रपुर नगरपालिका–४ बस्ने ५० वर्षीय मिना मगरको मृत्यु भएको हो ।

जङ्गलमा घाँस काट्न गएको बेला हात्तीले मगरलाई आक्रमण गरेको थियो । बिहान ११ बजेको समयमा धन्सार जङ्गल क्षेत्रमा हात्तीले आक्रमण गर्दा उनको घटनास्थलमै मृत्यु भएको ईलाका प्रहरी कार्यालय चन्द्रपुरले जनाएको छ ।