काठमाडौं — नेपाल ल क्याम्पसको स्वतन्त्र विद्यार्थी युनियन (स्ववियु) सभापतिमा विष्णु ढुङ्गेल विजयी भएका छन् । नेकपा एमाले निकट अखिल र नेपाली काङ्ग्रेस निकट नेविसङ्घको प्यानलका उम्मेदवार कैलाश तामाङलाई पराजित गर्दै विद्यार्थी युनियन सभापतिमा ढुङ्गेल विजयी भएका हुन् ।
ढुङ्गेल नेकपा (माओवादी) केन्द्र निकट विद्यार्थी सङ्गठन अखिल क्रान्तिकारीबाट उम्मेदवार बनेका थिए । त्यस्तै, सचिवमा नेविसङ्घका मनोज सिंह र कोषाध्यक्षमा अनेरास्ववियुका सञ्जिता नेम्वाङ विजयी भएका छन् ।
१४ वर्षपछि भएको चुनावमा अखिल क्रान्तिकारीको ल क्याम्पसमा पहिलो जित हो ।
