काठमाडौं महानगरपालिकाका प्रमुख बालेन साह, फाइल तस्वीर
काठमाडौं – काठमाडौं महानगरपालिकाका प्रमुख बालेन साह आज लण्डन जान लाग्नुभएको छ । लण्डनमा हुन लागेको ‘पार्टनरसिप फर हेल्दी सिटी समिट’कार्यक्रममा सहभागी हुन मेयर साह त्यसतर्फ जान लाग्नुभएको हो ।
साहको सचिवालयले जनाएअनुसार फागुन ३० देखि ३ दिन लण्डनमा हुने कार्यक्रममा सहभागी हुन मेयर साहको नेतृत्वमा ४ सदस्यीय टोली आज साँझ लण्डन जाँदैछ ।
भ्रमण टोलीका अन्य सदस्यहरुमा कापनपा वडा नम्बर २४ का वडाध्यक्ष विनोद भण्डारी, मेयर साहका प्रमुख स्वकीय सचिव भुपदेव साह, महानगरका जनस्वास्थ्य सल्लाहकार डा.जगदीशप्रसाद जैसवाल हुनुहुन्छ ।
मेयर साहले काठमाडौं महानगरपालिकाको निमित्त प्रमुखको जिम्मेवारी उपप्रमुख सुनिता डङ्गोललाई दिनुभएको छ ।
