एमाले संसदीय दलको प्रमुख सचेतक पद्म गिरी, फाइल तस्वीर
काठमाडौं — संसद्को दोस्रो ठूलो दल नेपाल कम्युनिस्ट पार्टी (एमाले) ले संसदीय दलको प्रमुख सचेतक र सचेतक चयन गरेको छ । पार्टी अध्यक्ष एवम् संसदीय दलका नेता खड्गप्रसाद शर्मा ओलीले संसदीय दलको प्रमुख सचेतकमा पद्म गिरी र सचेतकमा महेश बर्तौला नियुक्त गर्नुभएको हो ।
प्रधानमन्त्री पुष्पकमल दाहा प्रचण्डको नेतृत्वमा करिब दुई महिना स्वास्थ्यमन्त्री बन्नुभएका गिरीले प्रमुख सचेतकको जिम्मेवारी पाउनु भएको छ । सचेतक बर्तौला पहिलो पटक निर्वाचन जितेर प्रतिनिधिसभा सदस्य बन्नुभएको हो । मकवानपुरबाट निर्वाचित बर्तौलाले नेकपा एकीकृत समाजवादीका नेता विरोध खतिवडालाई पराजित गरेर सांसद् बन्नुभएको हो ।
