प्रतिकात्मक तस्वीर
बैतडी — बैतडीमा ड्युटीमा खटिएका एक जना प्रहरीको मृत्यु भएको छ । अस्थायी प्रहरी पोष्ट सलेना कार्यरत प्रहरी सहायक हवल्दार नवीन चौधरीको ड्युटीमा खटिएका बेला मृत्यु भएको हो ।
जिल्ला प्रहरी कार्यालय बैतडीका अनुसार ड्युटीमा खटिएको बेला चौधरी बुधबार बेलुका एक्कासी ढलेका थिए । त्यसपछि प्रहरीले उद्धार गरेर उनलाई उपचारका लागि पाटन अस्पताल पु¥याएको थियो ।
उपचार क्रममा प्रहरी सहायक हवल्दार चौधरीको मृत्यु भएको जिल्ला प्रहरी कार्यालय बैतडीले जनाएको छ । चौधरी कैलालीका बासिन्दा हुन । उनको मृत्युको कारण खुलेको छैन । उनको शव पोष्टमार्टमका लागि अस्पतालमा राखिएको छ ।
