काठमाडौं — जनता समाजवादी पार्टी (जसपा) की सांसद सहनाज रहमानको निधन भएको छ । हृदयघातका कारण उनको आज निधन भएको हो ।
झापा घर भएकी सांसद रहमानको निधन भएको संसदीय दलका नेता रामसहायप्रसाद यादवले जानकारी दिनुभयो ।
जनता समाजवादी पार्टी जसपा नेपालबाट प्रतिनिधिसभा सदस्य रहेकी रहमानको हृदयघातका कारण भक्तपुरको मध्यपुर अस्पतालमा निधन भएको जसपाका प्रचार विभाग प्रमुख पूर्ण बस्नेतले जानकारी दिनुभयो ।
घ्याम्पेडाँडाको एक कार्यक्रममा सहभागी हुन पुग्नुभएकी सांसद सहनाज कार्यक्रमस्थलमै हर्ट अट्याक भएर ढलेपछि उहाँलाई मध्यपुर थिमी अस्पताल भक्तपुर ल्याएको र डाक्टरले मृत घोषणा गरेको बताइएको छ ।
केन्द्रीय सदस्य रहमानलाई जसपाले समानुपातिक सांसद बनाएको थियो ।
