काठमाडौ – साताको अन्तिम कारोबार दिन आज शुक्रबार नेपाली सुनचाँदी बजारमा सनुको मूल्य तोलामा १ हजार ३ सय रुपैयाँले घटेको छ । नेपाल सुनचाँदी व्यवसायी महासङ्घका अनुसार आज छापावाल सुन प्रतितोला १ हजार ३ सय रुपैयाँले घटेर १ लाख ३ हजार ६ सय रुपैयाँ कायम भएको हो ।

यस्तै, तेजावी सुनको मूल्य तोलाको १ लाख ३ हजार १ सय रुपैयाँ निर्धारण भएको छ । त्यसैगरी चाँदीको मूल्य पनि तोलामा ३० रुपैयाँले घटेर १ हजार २ सय ९० रुपैयाँमा कारोबार भएको महासङ्घले जनाएको छ ।