फाइल तस्वीर
काठमाडौं – सशस्त्र प्रहरी बलका ४ जना एसएसपीलाई सशस्त्र प्रहरी वरिष्ठ उपरीक्षकलाई नायब महानिरीक्षक (डीआईजी) पदमा बढुवा गर्न सिफारिस गरिएको छ । गृह मन्त्रालयमा बुधबार राती बसेको बढुवा समितिको बैठकले चार जना एसएसपीलाई डीआईजीमा बढुवा गर्न सिफारिस गरेको हो ।
बढुवा सिफारिस हुनेहरुमा एसएसपीहरु सुरेश कुमार श्रेष्ठ, अन्जनी कुमार पोखरेल, दीपेन्द्र शाह र पुरुषोत्तम थापा रहेका छन् ।सशस्त्र प्रहरीमा १६ डीआईजी पदमध्ये ४ वटा रिक्त थियो। बढुवाका दाबेदारमा एसएसपीहरु दीपेन्द्र शाह, पुरुषोत्तम थापा, अन्जनी कुमार पोखरेल, सुरेश कुमार श्रेष्ठ, दीपक अधिकारी, कृष्ण ढकाल, विनोदराज श्रेष्ठ र मनिष थापा थिए ।
उनीहरु सिसं–१ मा इन्स्पेक्टरमा भर्ना भएका अधिकारीहरू हुन् । बढुवा समितिका सदस्य सचिव एआईजी नारायणदत्त पौडेलले माघ १९ को निर्णयअनुसार बढुवा सूचना निकालेका थिए ।
