प्रतिकात्मक तस्वीर
धादिङ – धादिङ थाक्रेमा रोकिराखेको टिप्परमा स्कुटर ठोक्किँदा एक किशोरीको मृत्यु भएको छ । थाक्रे गाउँपालिका–६ मा टिप्परसँग स्कुटर ठोक्किँदा स्कुटर चालक थाक्रे गाउँपालिका–११ कि १५ वर्षीय सङ्गम लामाको मृत्यु भएको महादेववेशी प्रहरी चौकीले जनाएको छ ।
टिप्परसँग स्कुटर ठोक्किएपछि गम्भीर घाइते भएकी लामाको शाही बाबा अस्पतालमा उपचारको क्रममा मृत्यु भएको हो ।
काठमाडौंबाट गजुरीतर्फ जाँदै गरेको बागमती प्रदेश ०२–०२५ प ५१११ नम्बरको स्कुटर पार्किङमा राखेको बा ४ ख २६५४ नम्बरको टिप्परको पछाडि ठोक्किएको प्रहरीले जनाएको छ ।
