प्रतिकात्मक तस्वीर
तानसेन — पाल्पामा आज शनिबार बिहान ट्याक्टरको ठक्करबाट स्कुटरमा सवार आमाछोराको मृत्यु भएको छ । जिल्लाको बग्नासकाली गाउँपालिका ९ गुनठाँटीमा तानसेनबाट झिरुभन्ज्याङतर्फ जाँदै गरेको लु २ त ९८४४ नम्बरको ट्याक्टरले लु ५३ प ७५७१ नम्बरको स्कुटरलाई ठक्कर दिएको हो।
दुर्घटनामा स्कुटरमा सवार तानसेन १३ का १९ वर्षिय अभिषेक थापा र ३९ वर्षकी मीना थापा मिथुन गम्भीर घाइते भएका थिए । दुवै जनालाई जिल्ला अस्पताल पाल्पा पु¥याउँदा चिकित्सकले मृत घोषणा गरेको जिल्ला प्रहरी कार्यालय पाल्पाले जनाएको छ ।
ठक्कर दिने ट्याक्टर र त्यसका चालक धादिङ रोडाङ गाउँपालिका ९ का हरिलाल चेपाङलाई नियन्त्रणमा लिएर अनुसन्धान गरिरहेको प्रहरीले जनाएको छ ।
