काठमाडौं — मलेसियाका गृहमन्त्री फुद्दिन नासुसन इजमाइल तीन दिने भ्रमणका लागि बिहीबार राति काठमाडौं आइपुग्नुभएको छ । उहाँ एक प्रतिनिधिमण्डलको नेतृत्व गर्दै नेपाल आउनुभएको हो ।
उहाँको नेपाल भ्रमण नेपाली श्रमिकलाई मलेसिया लैजाने विषयमा केन्द्रित हुने जनाइएको छ । तीन दिने नेपाल भ्रमणका लागि आउनुभएका मलेसियाका गृहमन्त्री सैफुद्दिन नासुसन इस्माइलले आजदेखि औपचारिक भेटवार्ता सुरु गर्ने हुनुभएको छ ।
मलेसिया गृहमन्त्री इस्माइलले उच्चस्तरीय भेटघाट गर्ने कार्यक्रम छ । उहाँले नेपालका समकक्षी श्रम, रोजगार तथा सामाजिक सुरक्षामन्त्री डोलप्रसाद अर्यालसँग औपचारिक भेटवार्ता गर्ने तय भएको छ ।
पराष्ट्र मन्त्रालय स्रोतका अनुसार मलेसियाली गृहमन्त्रीले प्रधानमन्त्री पुष्पकमल दाहाल प्रचण्ड र राष्ट्रपति विद्यादेवी भण्डारीसँग भेटवार्ता गर्ने कार्यसूची रहेको छ ।
