काठमाडौं — काठमाडौंको सितापाइलामा मिनीबस र सुमो आपसमा ठोक्किएका छन्। २ सवारी साधन आपसमा ठोक्किँदा १ जनाको मृत्यु भएको छ । आज बिहान ११ बजेतिर सितापाइलाबाट कलङ्कीतर्फ जाँदै गरेको ना १ ज ३४२१ नम्बरको सुमो र कलङ्कीबाट सितापाइलातर्फ जाँदै गरेको बा २ ख ८३६८ नम्बरको मिनीबस आपसमा ठोक्किएको हो ।
दुर्घटनामा २ जना सामान्य घाइते र २ जना गम्भीर घाइते भएका थिए । दुर्घटनामा गभीर घाइते भएका रसुवाको गोसाइकुण्ड–६ घर भएका ५१ वर्षीया यायाल्म घलेको दिउँसो ३ बजे उपचारको क्रममा मृत्यु भएको जिल्ला प्रहरी परिसर काठमाडौंले जनाएको छ । अहिले एक गम्भीर घाइतेको नेशनल अस्ताल कलङ्कीमा उपचार भइरहेको र अन्य घाइते भने उपचारपछि डिस्चार्ज भएको प्रहरीले जनाएको छ ।
