फाइल तस्वीर
काठमाडौं – लोक तथा दोहोरी गायक भीम पौडेलको निधनप्रति प्रधानमन्त्री पुष्पकमल दाहाल ‘प्रचण्ड’ले गहिरो दुःख व्यक्त गर्नुभएको छ । प्रधानमन्त्री प्रचण्डले सामाजिक सञ्जालमार्फत् लोक गायक पौडेलको अल्पायूमै भएको निधनप्रति गहिरो दुःख प्रकट गर्दै श्रद्धाञ्जली व्यक्त गर्नुभएको हो ।
दर्जनौँ लोक दोहोरी गीत गाएर चर्चित बनेका गायक पौडेलको स्याङ्जास्थित आफ्नै घरमा गएराति निधन भएको थियो । विगत दुई महिनादेखि बिरामी भएर उपचार गराइरहेका लोक गायक पौडेलको रक्तअल्पताको कारण निधन भएको बताइएको छ ।
प्रधानमन्त्री प्रचण्डले पौडेलको निधनबाट शोकाकुल हुन पुगेका परिवारजन, आफन्त र शुभेच्छुकमा गहिरो समवेदना समेत प्रकट गर्नुभएको छ । पौडेलको पार्थिव शरीरलाई आज कास्कीको पोखरास्थित रामघाटमा अन्तिम संस्कार गरिने छ।
