सभामुख देवराज घिमिरे, फाइल तस्वीर
काठमाडौं — प्रतिनिधिसभाका सभामुख देवराज घिमिरेले संसद्मा प्रतिनिधित्व गर्ने सबै राजनीतिक दलहरुको बैठक आह्वान गर्नुभएको छ । सर्वदलीय बैठक नयाँ बानेश्वरस्थित सङ्घीय संसद् भवनमा अहिले ११ बजेका लागि बोलाइएको हो ।
प्रतिनिधिसभाको सभामुखमा चयन भएपछि सभामुख घिमिरेले पहिलो बैठक आह्वान गर्नुभएको हो । सभामुख घिमिरे यही माघ ५ गते प्रतिनिधिसभाबाट एक सय ६७ मत प्राप्त गरी सभामुखमा निर्वाचित हुनुभएको हो ।
प्रतिनिधिसभाको बैठक आज पनि बस्दैछ । आज शनिबार बस्ने बैठकले प्रतिनिधिसभाको उपसभामुख निर्वाचनबाट चयन गर्नेछ । उपसभामुखका लागि सत्ता गठबन्धनबाट राष्ट्रिय स्वतन्त्र पार्टी र नेपाली काङ्ग्रेसका सांसद्ले हिजो सम्मेदवारी दर्ता गराएका छन् ।
