फाइल तस्वीर
काठमाडौं– यती एयरलाइन्सले आज हुने सबै उडान रद्द गरेको छ । आइतबार पोखरामा एटिआर–७२ जहाज दुर्घटनामा परेपछि यतीले आज हुने भनिएका सबै उडान रद्द गर्ने निर्णय गरेको हो ।
नियमित उडान रद्द गरिए पनि आपतकालीन र उद्धारका उडान भने हुने एयरलाइन्सले जनाएको छ । सरकारले आज शोक बिदा दिएको छ । कम्पनीले आइतबार नै सूचना प्रकाशित गर्दै आपत्कालीन र उद्धार उडानबाहेक नियमित सबै उडान रद्द गरेको जानकारी गराएको छ ।
कम्पनीको नाइन एन एएनसी एटीआर ७२–५०० जहाज आइतबार पोखरा अन्तर्राष्ट्रिय विमानस्थलमा अवतरणअघि दुर्घटना भएको थियो । विमानमा चालक दलका चार सदस्यसहित ७२ जना सवार थिए । पछिल्लो अपडेट अनुसार ६९ जनाको मृत्यु भएको पुष्टि भइसकेको छ ।
