काठमाडौं – सत्ता साझेदार दलले सरकारको न्यूनतम साझा कार्यक्रम निर्माण गरिरहेका बेला पूर्व प्रमुख निर्वाचन आयुक्त भोजराज पोखरेलले सात वटा सुझाब दिनुभएको छ ।
सत्ता साझेदार दलको बैठकले आम नागरिकसँग सरोकार राख्ने, जनताको मन छुनसक्ने, भ्रष्टाचार नियन्त्रण, जनजीविकाका सवाल तथा अन्य नीतिगत सवालमा केन्द्रित रहेर सरकारको न्यूनतम कार्यक्रम ल्याउने निर्णय गरेको समयमा उहाँले यस्तो सुझाव दिनुभएको हो । पोखरेलले सामाजिक सञ्जालमार्फत् ट्वीट गर्दै ७ कुरा राखी पालनागरे पुग्ला भन्दै सरकारको ध्यानकर्षण गराउनु भएको छ ।
उहाँले सामाजिक सञ्जालमार्फत् ट्वीट गर्दै दिनुभएको सुझावमा घुस नखाने ,नपुग्ने कुरा नवोल्ने ,सुशासनकालागि संरचना प्रकृया प्रणाली बनाउने , हाम्रा होइन राम्रालाई मौका दिने ,दलीयकरण नगर्ने, राज्यको शक्ति श्रोत साधन दुरुपयोग नगर्ने र कानूनी शासन प्रत्याभूत गर्ने रहेका छन् ।
