काठमाडौं– काठमाडौं उपत्यकामा एकैदिन ३ हजार १ सय १ वटा सवारीसाधन कारबाहीमा परेका छन् । ट्राफिक नियम उल्लङ्घन गर्ने सवारीसाधनलाई कारबाही गरेको काठमाडौं उपत्यका ट्राफिक प्रहरी कार्यालय रामशाहपथले जनाएको छ ।
जसमध्ये मादक पदार्थ सेवन गरी सवारी चलाउने १ सय २१ व्यक्ति तथा सवारीमाथि कारबाही भएको छ । कार्यालयका अनुसार लेन मिच्ने ७५, हर्न नियम पालना नगर्ने ६२, नम्बर प्लेट नराखेका ५२ वटा, लिडारगन १ सय ६०, रेड लाइट उल्लंघन गर्ने ३० वटा र अन्य नियम उल्लङ्घन गर्ने २ हजार ६ सय १ वटा सवारी साधन कारबाहीमा परेका हुन् ।
