साङेकेतिक तस्वीर
वीरगञ्ज – पर्साको ठोरीस्थित इलाका प्रहरी कार्यालयको गाडी दुर्घटना हुँदा इन्सपेक्टरसहित २ जना घाइते भएका छन् । इलाका प्रहरी कार्यालयको ना १ झ १२७२ नम्बरको गाडी दुर्घटना हुँदा प्रहरी निरीक्षक(इन्सपेक्टर) शंकर श्रेष्ठ र प्रहरी जवान मनोज घर्ती घाइते भएका हुन् ।
वीरगञ्ज ठोरी हुलाकी सडक खण्डअन्तर्रगत पटेर्वा सुगौली गाउँपालिकास्थित मनिहर्वा नजिकै उनीहरू सवार गाडी दुर्घटना हुँदा घाइते भएका उनीहरु दुवै जनालाई उपचारको लागि वीरगञ्ज ल्याइएको प्रहरीले जनाएको छ ।
गए राती इलाका प्रहरी कार्यालय ठोरी र सशस्त्र प्रहरी ठोरीको संयुक्त गस्तीले बरामद गरेको २२ पोका गाँजा जिल्ला प्रहरी कार्यालय लैजाने क्रममा सवारी दुर्घटना भएको प्रहरीले जनाएको छ ।
