प्रतिकात्मक तस्वीर
काठमाडौं – काठमाडौंको कीर्तिपुरमा स्कुल बसको ठक्करबाट एक सशस्त्र प्रहरी जवानको मृत्यु भएको छ । आज बिहान ९ बजे चोभार गेटनजिकै बसले सरकारी मोटरसाइकललाई ठक्कर दिँदा सशस्त्र प्रहरी जवानको मृत्यु भएको जिल्ला प्रहरी परिसर काठमाडौंले जनाएको छ ।
दुर्घटनामा एपिएफ मुख्यालय हेडक्वार्टरमा कार्यरत जवान सुवास चन्द्र रतलाको मृत्यु भएको हो । मोर्डन इन्डियन स्कुलको ना १ क १६१२ नम्बरको स्कुल बसले बागमती एएए २९०८ नम्बरको सरकारी मोटरसाइकललाई ठक्कर दिएको थियो। उनी निलबाराही गणमा जाँदै थिए ।
ठक्करपछि घाइते भएका रतलालाई उपचारको लागि बल्खुस्थित बयोधा अस्पताल लगिएकोमा उनको उपचारको क्रममा मृत्यु भएको प्रहरीले बताएको छ । बस र चालकलाई कीर्तिपुर प्रहरी वृत्तले नियन्त्रणमा लिई थप अनुसन्धान गरिरहेको परिसरले जनाएको छ ।
