फाइल तस्वीर


काठमाडौं – प्रतिनिधिसभा र प्रदेशसभा सदस्यको निर्वाचनमा नेताहरुले मतदान गर्नु भएको छ । नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल प्रचण्डले चितवनको शान्तिपुरस्थित मतदान केन्द्रमा गै मतदान गर्नु भएको छ ।

यसैगरी प्रतिनिधिसभाका सभामुख अग्निप्रसाद सापकोटा र राष्ट्रियसभाका अध्यक्ष गणेशप्रसाद तिमिल्सिनाले पनि मतदान गर्नुभएको छ । सभामुख सापकोटाले सिन्धुपाल्चोकको कुबिण्डे सेतीदेवी पञ्चकन्या मावि मतदान केन्द्रबाट पहिलो मतदान गर्नु भएको छ भने राष्ट्रियसभाका अध्यक्ष तिमिल्सिनाले पर्वतको मोदी गाउँपालिका वडा नम्बर ७ राम्जाको पशुपति मावि (क) केन्द्रबाट मतदान गर्नुभएको छ ।

यसैगरी एमालेका उपाध्यक्ष समेत रहनुभएका पूर्व अर्थमन्त्री सुरेन्द्र पाण्डेले पनि चितवन निर्वाचन क्षेत्र १ बाट मतदान गर्नु भएको छ । बिहानैदेखि मतदाताहरु उत्साहका साथ मतदान गर्न सक्रिय भएको पाइएको छ ।